ချစ်သူကို အရမ်းချစ်တဲ့မိန်းခလေးတွေ တွေးတတ်တဲ့ ပေါက်ကရအတွေးများ

မိန်ခလေးတွေဟာ နဂိုကတည်းက အရမ်းကို အသေးစိတ်ပြီး တွေးခေါ်ပုံ၊ စဉ်းစားပုံက အစ အသေးစိတ်ကျပါတယ်။ ဒီလို မိန်းခလေးတွေက အရမ်းချစ်ရတဲ့ ချစ်သူ တစ်ယောက်ကို ရထားတဲ့ အခါမှာတော့ ဘယ်သူမှတောင် စဉ်းစားမိမှာ မဟုတ်တဲ့ ပေါက်ပေါက်ရှာရှာ အတွေးတွေကို တွေးလာတတ်ကြပါတယ်။ ဒီလို အတွေးတွေကပဲ သူတို့ကို ပျော်စေသလို တစ်ခါတလေ ဒီလို အတွေးတွေကပဲ သူတို့ကို စိတ်ညစ်စေပြန်ပါတယ်။ တကယ်လို့ သင့်ကောင်မလေးဟာ ခုဖော်ပြမယ့် အချက်တွေနဲ့ ကိုက်ညီနေရင်တော့ သင့်ကို အရမ်းချစ်လို့ပါ။

(၁) ဖုန်းမကိုင်တဲ့အခါ ချစ်သူ ဖုန်းမကိုင်တဲ့အခါ မိန်းကလေးတွေ အတွက်တော့ ကမ္ဘာပျက် သလိုပါပဲ။ အကြိမ်ကြိမ် ဆက်ပေမယ့် လုံးဝမကိုင်တာ၊ ဒါမှမဟုတ် စက်ပိတ်ထားတဲ့အခါ၊ ဆက်သွယ်မှု ဧရိယာပြင်ပ ရောက်တဲ့အခါတွေမှာ မိန်းကလေးတွေက ပေါက်ပေါက်ရှာရှာအတွေးတွေကို စတွေးပါတော့တယ်။ ချစ်သူကို လူဆိုးတွေကများ ဖမ်းသွားသလား၊ ဒါမှမဟုတ် သေများသေသွားတာလား လို့တွေးပြီး အရူးမီးဝိုင်း ဖြစ်နေတတ်ပါတယ်။ ဒါကြောင့် သင့်ဖုန်းမှာ ချစ်သူဆီက miss call တွေအများကြီး တွေ့ရင်တော့ သူတော်တော် စိတ်ပူနေတယ် ဆိုတာကို သင်သိထားလိုက်ပါ။

(၂) ချစ်သူရဲ့ အအော်ခံရတဲ့အခါ ချစ်သူက အော်လိုက်တဲ့အချိန်မှာ မိန်းကလေးတွေ အတွက်ကတော့ ရင်ထဲကို မြှားအချောင်း ၁၀၀ လောက်တစ်ပြိုင်တည်း စိုက်သွားသလို ခံစားရပါတယ်။ ဒီိလိုအချိန်မှာ မိန်းကလေးတွေ တွေးတာက ချစ်သူက သူ့ကို မချစ်တော့ဘူး၊ တန်ဖိုးမထားတော့ဘူး ဆိုပြီး တွေးတတ်ပါတယ်။ နောက်တစ်ခုကတော့ ချစ်သူက အသစ်တွေ့သွားလို့ သူ့ကို စိတ်မရှည်တော့တာ ဆိုပြီး တွေးတတ်ပါတယ်။ အဲဒီ့ အတွေးတွေက သူတို့ကို အရမ်း နာကျင်စေတာကြောင့် မိန်းကလေး တော်တော်များများက သူတို့ကို အော်တာကို မကြိုက်တာပါ။

(၃) ချစ်သူကို ကြည့်လိုက်တဲ့ အခါတိုင်းမှာ ချစ်သူကို အရမ်းချစ်တဲ့ မိန်းကလေးတွေမှာ ထူးခြားတဲ့ အမြင်တစ်ခု ရှိပါတယ်။ အဲဒါကတော့ ချစ်သူကို သေသေချာချာ ပြင်ဆင်လိုက်ရင် ဘယ်မင်းသားနဲ့မဆို ယှဉ်နိုင်တဲ့ ရုပ်မျိုးလို့ ထင်ကြတာပါပဲ။ သူတို့မျက်လုံးထဲမှာ ချစ်သူကို အရမ်းချောတယ် လို့မြင်ပြီး ချစ်သူကို တခြားကောင်မလေးတွေ ကြိုက်သွားမှာကို ကြိတ်ပြီးပူပန်နေတတ်ပါတယ်။ အမှန်တကယ်ကတော့ သူတို့ချစ်သူက သူတို့ မျက်လုံးထဲမှာပဲလှပြီး ကျန်တဲ့သူတွေက သူတို့ရှိနေမှန်းတောင် မသိကြပါဘူး။ 

(၄) စမ်းသပ်တာ မအောင်မြင်တဲ့အခါမှာ မိန်းကလေးတွေဟာ ချစ်သူကို အမြဲတမ်း စမ်းသပ်နေကြတဲ့ သူတွေဖြစ်ပါတယ်။ ချစ်သူက ကိုယ့်ကို စိတ်ရှည်ရှည်နဲ့ ချော့ရဲ့လား၊ ကိုယ့်ကို အလျှော့ပေးရဲ့လား၊ အရင်လောက် ချစ်သေးရဲ့လား၊ ဘာတွေပြောင်းလဲသွားလဲ ဆိုတာကို အမြဲတမ်း အကဲခတ်နေတတ်တဲ့ သူတွေဖြစ်ပါတယ်။ သူတို့ကအဲလို စမ်းသပ်ချင်လို့ တမင်ဆိုးကြတဲ့အခါတွေ ရှိပါတယ်။ အဲလို အချိန်မှာ ချစ်သူက စိတ်မရှည်တဲ့အခါ၊ စမ်းသပ်တာ မအောင်မြင်တဲ့အခါ အရမ်းတွေ ဝမ်းနည်းသွားကြရပါတယ်။ အကြောင်းကတော့ သူတို့ကို ချစ်သူက အချစ်လျော့သွားပြီ လို့ ထင်သွားလို့ပါ။

(၅) ချစ်သူက အရမ်းဂရုစိုက်တဲ့ အချိန်တွေမှာ ချစ်သူကို အရမ်းချစ်တဲ့ မိန်းကလေးတွေဟာ ချစ်သူဆီကဂရုစိုက်မှုတွေ အများကြီးရတဲ့ အချိန်တွေကျရင် သူတို့လောက် ကံကောင်းတဲ့သူ ဘယ်သူမှ မရှိတော့ဘူးလို့ ထင်တတ်ကြပါတယ်။ ဒီလိုချစ်သူမျိုးကို ရထားတာ အရမ်းကို ကံကောင်းတာပဲလို့ တွေးနေတတ်ကြပါတယ်။ ဒီလို အချိန်ဆို ချစ်သူရဲ့ အပြစ်တွေ အားလုံးကို ပြည်ဖုံးကား ချလိုက်ကြပါတယ်။

 Em Em (Shwemom)